Policia e Lezhës ka sekuestruar sot një sasi armësh dhe municionesh, ndërsa ka arrestuar edhe poseduesin e tyre.
Aksioni i policisë është zhvilluar në Tale ku gjatë kontrollit në banesën e shtetasit Mark Murri u sekuestruan pushkë, pistoletë, fishekë dhe barreta për gjueti.
Mësohet se, policia ka arrestuar shtetasi Mark Murrin, i cili akuzohet për armëmbajtje pa leje.
Ndërkohë, pritet që policia të japë më shumë detaje për operacionin në orët në vijim.