Sarandë, 13 prill 2014, - Në qytetin e Sarandës është gjetur disa minuta më parë kufoma e një femre. Sipas informacioneve paraprake, bëhet e ditur se kufoma e seksit femër, i përket një 73 vjeçareje.
Dyshohet se ajo mund të jetë Nure Daçi, e cila është shpallur e zhdukur nga familjarët, prej 7 ditësh. Mësohet se kufoma është gjetur në afërsi të Butrintit nga kalimtarët, të cilët më pas kanë njoftuar dhe policinë.
Deri në këto momente nuk dihen shkaqet e vdekjes së 73 vjeçares. Policia dhe mjeku ligjor, janë duke punuar për zbardhjen e shkaqeve që kanë çuar në vdekjen e gruas së moshuar.