Policia kufitare në Portin e Durrësit sekuestroi një sasi të konsiderueshme lëndë narkotike, në një kamion që kishte destinacion Italinë.
Burime nga policia bëjnë të ditur se rreth 600 kg kanabis u zbuluan në një kamion gjatë kontrollit në terminalin e trageteve, transmeton BW. Mësohet se lënda narkotike kishte destinacion shtetin fqinj, ndërsa nuk dihet ende prejardhja e saj.
Ndërkohë policia ka ndaluar drejtuesin e kamionit, identiteti i të cilit nuk bëhet i ditur dhe po punon për të zbuluar persona të tjerë të përfshirë në këtë rrjet trafiku.
