Automjeti Hyundai pronë e Aleksandar Spiriq, ish kryetar i përkohshëm i veriut të Mitrovicës, është djegur mbrëmë, ndërsa nuk ka të lënduar, bëjnë të ditur burime të Kosovapress-it. Ngjarja ka ndodhur rreth orës 1:00 pas mesnate në rrugën ‘Drvarska’ në veri të Mitrovicës.
Motivet e këtij incidenti nuk dihen, por dyshohet që sulmi të ketë prapavijë politike. Spiriq ka qenë anëtar i G-17, ndërsa para dy jave ka kaluar në Partinë Progresive serbe (SNS).