Një 47-vjeçar shqiptar, i cili përdhunoi të bijën për 10 vjet radhazi, u dënua dje me 34 vjet burg. Gjykata e Selanikut dha sot vendimin për 47-vjeçarin, identiteti i të cilit nuk bëhet i ditur, duke e lënë në qeli për plot 34 vjet.
Ngjarja ka ndodhur në zonën e Golgotës, ku vajza, e cila tashmë është 17 vjeç, është dhunuar seksualisht nga babai i saj që në moshën 7-vjeçare.
Për 10 vite rresht vajza kishte heshtur nga frika se mos babai e vriste, dhe vitin e kaluar ajo tentoi të vetëvritej, duke prerë damarët. Gjatë tentativës për vetëvrasje e mitura është gjetur nga halla e saj, e cila e ka shoqëruar mbesën që të bëjë denoncimin për të atin. Ndërkohë në të gjitha seancat gjyqësore, 47-vjeçari ka deklaruar se ka qenë i dehur dhe se nuk mbante mend asgjë.
