E rëndë: I riu në Ferizaj tenton t’i japë fund jetës, konsumon mbidozë ilaçesh pas ndarjes nga e dashura

Kronikë e zezë

E rëndë: I riu në Ferizaj tenton t’i japë fund jetës, konsumon mbidozë ilaçesh pas ndarjes nga e dashura

Më: 28 maj 2023 Në ora: 06:38
Foto ilustrim

Vetëvrasja është fenomen shqetësues në rritje në shoqërinë tonë. Faktorë rreziku që shtyjnë drejt këtij veprimi shpeshherë mund të jenë gjendja e rënduar psikologjike dhe emocionale, depresioni, ankthi, bipolarizmi, abuzimi me alkool dhe substanca narkotike e gjendja e vështirë ekonomike.

Një rast i tillë i rëndë ka ndodhur sot pasdite në Ferizaj, ku një person dyshohet të ketë tentuar t’i japë fund jetës së tij.

Burimet brenda Emergjencës kanë bërë me dije se kanë shkuar me urgjencë në ‘Village’ ku kanë gjetur viktimën në gjendje të rëndë. 19-vjeçari dyshohet se ka konsumuar mbidozë të ilaçeve për qetësim.

Pas intervenimit të stafit mjekësor, gjendja shëndetësore e të riut është stabilizuar dhe ai ndodhet jashtë rrezikut për jetë.

Ndërkohë lidhur me rastin është njoftuar edhe Policia, të cilët kanë dalë në vendin e ngjarjes dhe kanë kryer ekzaminimet e nevojshme që ndihmojnë në zbardhjen e rrethanave të rastit.

Motivi që shtyu të riun të bëjë këtë veprim, dyshohet të jetë gjendja e rëndë emocionale në të cilën ndodhej pas ndarjes nga e dashura e tij.

Me urdhër të prokurorit, rasti është cilësuar ‘Vetëvrasje në tentativë’.

commentFirst article
Sot mund të lexoni Shfletoni kopertinat