Të dielën rreth mesditës ka ndodhur një aksident trafiku me pasoja fatale në Kraishtë të Lipjanit, me ç’rast ka humbur jetën një dhe janë plagosur rëndë e lehtë katër persona të tjerë.
Lajmin për këtë rast e ka konfirmuar edhe policia e Lipjanit, ndërsa, burimet kanë treguar se i vdekuri në aksident ka qenë një udhëtar 57 vjeçar me inicialet M. B. nga fshati Dobrajë i kësaj komune.
“Në aksident janë ndeshur një kamion dhe një veturë udhëtarësh dhe ky aksident ka qenë me pasoja fatale për një person që ka humbur jetën, kurse janë lënduar edhe katër të tjerë. Policia ka arritur në vendin e ngjarjes dhe ka nisur hetimet për shkaqet e aksidentit”, ka thënë Lirim Osmani, zv/komandant në stacionin policor të Lipjanit.
