Ardian Hoxha: Kemi 17 vjet në kërkim të varrit të babait.
Tiranë, mosparaqitja e prokurores shtyn seancën te krimet e rënda.
Mungesa e prokurores së çështjes dështoi dje seancën e pretencës së Akuzës ndaj të pandehurve për zhdukjen e Remzi Hoxhës. Djali i biznesmenit shqiptari maqedonas, i zhdukur në vitin 1995 në Tiranë, Ardian Hoxha, “kërcënoi” me Kanun dje para Gjykatës për Krimet e Rënda pasi mësoi dështimin e seancës. Deklarata e Hoxhës erdhi vetëm pak minuta pasi gjykata shtyu seancën gjyqësore në ngarkim të tre të akuzuarve për zhdukjen e babait të tij për shkak të mungesës së përfaqësuesit të akuzës. Sipas Ardian Hoxhës, familja e tij, në mungesë të zbatimit të drejtësisë, do t’i kthehej Kanunit. “Do të shkojmë dhe në instancat ndërkombëtare. Pastaj do të ndjekim dhe ligjin shqiptar të Kanunit.