Asociacioni i Gazetarëve të Kosovës ka ngushëlluar familjarët, miqtë dhe kolegët me rastin e ndarjes nga jeta të gazetarit shumë vjeçar dhe ekspertit të ekonomisë, Ibrahim Rexhepi.
“Ish-gazetari Rexhepi do të kujtohet gjithmonë si një profesionist i vërtetë i gazetarisë dhe ekspert i fushës së ekonomisë, dhe se vdekja e tij e parakohshme është humbje e madhe për të gjithë komunitetin e gazetarëve në Kosovë”, thuhet në telegramin e ngushëllimit.
Ibrahim Rexhepi u lind në Slivovë të Ferizajt. Ai studioi në Fakultetin e atëhershëm ekonomiko – juridik të Universitetit të Prishtinës.
Më 1976 nisi rrugëtimin në profesionin e gazetarisë në Rilindje, ku punoi deri në ndalimin e saj, për të vazhduar në detyrën e kolumnistit e të redaktorit të rubrikës së ekonomisë, e pastaj ishte edhe drejtues i emisionit për ekonomi.