Qeveria do të ndaj mbi 1 milion euro për situatën emergjente në Suharekë

Kosova

Qeveria do të ndaj mbi 1 milion euro për situatën emergjente në Suharekë

Më: 20 gusht 2018 Në ora: 15:58
Konferenca për media

Kryeministri i Kosovës, Ramush Haradinaj, së bashku me një pjesë të kabinetit qeveritar, ka vizituar Suharekën për të parë më për së afërmi gjendjen e shkaktuar nga vërshimet e fundit në këtë komunë.

Pas takimit me kryetarin e Suharekës, Bali Muharremaj, kryeministri Haradinaj tha se Qeveria do të ndajë një fond emergjent në mbledhjen e qeverisë që do të mbahet pasnesër.

Ai ka njoftuar që pas fondit emergjent, do të ndajnë edhe fonde të tjera.

Kryetari i Suharekës, Bali Muharremaj ka thënë se gjendja është e rëndë, por sipas tij, janë duke i ndihmuar. Ai ka treguar se kanë ndarë 43.0000 mijë euro.

I pyetur nga gazetarët se a do të ketë korrigjim të kufijve, kryeministri Haradinaj me shaka ka thënë se njëherë po mundohen t'i korrigjojnë lumenjtë, duke iu referuar rastit në fjalë.

Pas konferencës për media, kryeministër dhe ministrat e tjerë, bashkë me kryetarin e Suharekës janë nisur për t'i parë nga afër disa nga fshatrat e Suharekës që janë prekur nga vërshimet.

Ata kanë njoftuar që do të vizitojnë fshatrat Sopi, Grejkoc dhe Nëpërbisht.

commentFirst article
Sot mund të lexoni Shfletoni kopertinat