Policia e Kosovës vetëm dje ka konfiskuar disa armë që janë përdorur në ahengje të ndryshme në tërë Kosovën.
Një rast ka ndodhur në fshatin Metehi të Podujevës ku sipas Policisë pas marrjes së informatës për të shtëna me armë zjarri në një aheng , njësitë relevante dal në vendin e ngjarjes dhe kanë kontaktuar me pronarin e ahengut, i cili ka dorëzuar vullnetarisht armën e tipit Ekoll special, një fishek dhe një karikator te cilat janë konfiskuar.
Pas intervistimit me vendim të prokurorit i dyshuari lirohet në procedurë të rregullt.
Rasti tjetër ka ndodhur në fshatin Bllagajë në Pejë ku Policia ka arrestuar e më pas liruar të dyshuarin pasi që i njëjti gjatë një ahengu familjar ka shtënë me armë zjarri në ajër. Të njëjtit i është konfiskuar një pistoletë me katër fishek dhe me vendim të prokurorit pas intervistimit i dyshuari është liruar në procedurë te rregullt.
Ndërsa rasti tjetër ka ndodhur në rrugën “Gjergj Fishta” në Skenderaj ku një person është ankuar për të shtëna me armë zjarri në një aheng (dasmë).
Njësitë relevante kanë shkuar në vendin e ngjarjes dhe në trotuar kanë gjetur dhe konfiskuar katër gëzhoja ne Cal. 9 mm (të armës me gaz).
Njësiti policor duke kontrolluar përreth lokacionit kanë gjetur armën e dyshimtë në një vend me bërllok, në një qese plastike e mbushur me mbeturina. Revolja me Gass – BLOwTR-92 e Cal: 9 mm, 15-13-11090 është konfiskuar nga policia. Nuk raportohet për të dyshuar. Rasti nën hetime.
