UNDP konfirmon mbështetjen për Kosovën

Kosova

UNDP konfirmon mbështetjen për Kosovën

Më: 2 korrik 2018 Në ora: 14:25
Ulrika Richardson dhe Mahir Yagcilar

Shefja e sapo emëruar e UNDP-së në Kosovë, Ulrika Richardson, gjatë një takimi me ministrin e Administratës Publike, Mahir Yagcilar, konfirmoi mbështetjen edhe në të ardhmen për vendin tonë.

Udhëheqësja e UNDP-së në Kosovë me këtë rast vlerësoi lart bashkëpunimin dhe punën e deritanishëm me Ministrinë e Administratës Publike. Ndërsa ministri Yagcilar përgëzoi rolin e UNDP-së në Kosovë, duke thënë se shpreson që partneriteti i shkëlqyer të thellohet më tutje.

Ai foli edhe për ecurinë e procesit të reformimit të administratës publike në Kosovë, me theks të veçantë pakon ligjore ku bëjnë pjesë: Projektligji për Administratën Shtetërore, ai për Zyrtarët Publikë dhe Projektligji për Pagat.

Konstatim i përbashkët ishte avancimi i bashkëpunimit ndërmjet MAP-it dhe UNDP-së.

Sot mund të lexoni Shfletoni kopertinat