Haliti pritet në takim nga përfaqësuesit e Komunës Pully të Zvicrës

Kosova

Haliti pritet në takim nga përfaqësuesit e Komunës Pully të Zvicrës

Nga: Aziz Zuka Më: 21 qershor 2018 Në ora: 16:33
Pamje nga pritja për kryetarin Haliti nga udhëheqësit e komunës Pully të Zvicrës

Kryetari i Komunës së Vitisë, Sokol Haliti në vizitën e tij zyrtare në Zvicër është pritur sot në një takim miqësor nga udhëheqësit e Komunës Pully të Llozanës. Bëhet me dije që gjatë këtij takimi kryetari Haliti i ka njoftuar ata mbi zhvillimet e gjithmbarshme në komunën e Vitisë, në veçanti mbi mundësitë e mira për investime që ofron kjo komunë.

Kurse përfaqësuesit e komunës Pully ndër tjerash potencuan se do të shikojnë mundësinë që të ndihmojnë komunën e Vitisë, në fushën e Shërbimeve Publike dhe Planifikimit Urban, në veçanti Kryetari në hartimin e Planit Zhvillimor Komunal.

Në këtë takim përfaqësuesit e të dyja komunave ku ka marrë pjesë edhe Veton Ademi, Drejtor për Bujqësi, Pylltari dhe Zhvillim Rural, është biseduar edhe rreth mundësisë së bashkëpunimit në fushën e Bujqësisë dhe Ambientit.

Ndryshe, pritet që përfaqësuesit e komunës Pully të Llozanës të vizitojnë në të ardhmen komunën e Vitisë. Kryetari Haliti dhe Drejtori Ademi po qëndrojnë në shtetin Helvetik me ftesën e Odës Ekonomike Zvicër-Kosovë.

Sot mund të lexoni Shfletoni kopertinat