Ambasadori i Shteteve të Bashkuara të Amerikës në Kosovë, Greg Delawie ka shprehur ngushëllime për vdekjen e kryetarit të Federatës së Futbollit, Fadil Vokrri, i cili ndërroi jetë të shtunën.
Delawie ka vlerësuar lart kontributin e Vokrrit për ndërkombëtarizimin e sportit.
“U bashkohemi ngushëllimeve për ata shumë tifozë të Fadil Vokrrit për vdekjen e tij të papritur. Kontributi i tij për ndërkombëtarizimin e futbollit kosovar nuk do të harrohet”, ka shkruar Delawie, në rrjetin social Twitter.
Vokrri ndërroi jetë mëngjesin e së shtunës në moshën 57 vjeçare, pas një sulmi në zemër.
