Flet 15 vjeçarja që evitoi plaçkitjen nga hajnat e armatosur në Stanoc

Kosova

Flet 15 vjeçarja që evitoi plaçkitjen nga hajnat e armatosur në Stanoc

Më: 18 maj 2018 Në ora: 22:45
Stanoc

Hajna të armatosur tentojnë ta plaçkitin një shtëpi në Stanovc Një shtëpi në Stanovc të Prishtinës ishte cak i hajnave, të cilët dolën se ishin të armatosur. Por, ishin dy vajzat e familjes ato që evituan plaçkitjen, dhe për fat të mirë shpëtuan pa të keq, pasi grabitësit kishin shtënë me armë në ajër.

62 vjeçari i cili për iftar ishte mysafir tek të afërmit po thotë se nuk e di pse pikërisht shtëpisë së tij hajnat ia vunë syrin.

“Pasuri mesatare. Hak s’i kam kerkujt”, tha ai.

Por hajnave që me vete kishin edhe armë planet ua prishën dy vajzat e djalit të vëllaut të Ganiut që rastësisht hasën në ta.

“Nuk kanë pasur kohë me hy sepse kemi hyrë në kohën e duhur”, thotë njëra nga vajzat.

Kaltrina 15 vjeçare thotë se grabitësisht gjuajtën me armë për t’i frikësuar por që fatmirësisht plumbat u shkrepën në ajër.

E kjo nuk është hera e parë që plaqkitësit ja mësyjnë këtij fshati.

Bile familjes së saj para një viti hajnat u vodhën stoli ari në vlerën e 25 mijë eurove.

Vetë pronari i shtëpisë dyshon se hajnat janë njerëz të afërt të familjes.

Policia konfirmoi se rasti është nën hetime dhe se aktualisht nuk ka asnjë të arrestuar.

commentFirst article
Sot mund të lexoni Shfletoni kopertinat