Rivarrosen në Sllovi eshtrat e dy të gjeturve në Serbi

Kosova

Rivarrosen në Sllovi eshtrat e dy të gjeturve në Serbi

Më: 5 prill 2018 Në ora: 17:54
Rivarrimi

Në varrezat e fshatit Sllovi sot është bërë rivarrimi i mbetjeve mortore të sjella nga Batanjica e Serbisë të dy martirëve të këtij fshati Halime SH. Gerbeshi dhe Fatmir Sh. Bytyqi, të vrarë në luftën e vitit 1999.

Sipas një njoftimi të Komunës së Lipjanit, në ceremoninë e rivarrimit ka marrë pjesë kryetari i Komunës së Lipjanit Imri Ahmeti.

Ahmeti tha se rivarrosja e familjarëve është referencë për të gjithë, për institucionet e vendit tonë, veçmas për përgjegjësitë e shtetit që peshën dhe rëndësinë e të pagjeturve që rëndon akoma në shpirtrat e familjarëve të të pagjeturve ta marrin si çështje imediate për të zgjidhur.

Sipas Ahmetit, eshtrat e tyre janë thellë në themelin e shtetit tonë.

“Për kaq vite pas luftës, gjetja dhe varrimi i mbetjeve mortore, për familjarët dhe gjithë të tjerët shënon kujtesën e dhembjes, por jo vetëm kaq, na rikthen vëmendjen për të kaluarën e afërt me sa sakrificë e gjak është fituar liria, me sa përpjekje e jetëra të të afërmeve e familjarëve është murosur shtetësia jonë”, ka thënë Ahmeti.

Ndërsa në emër të familjes Gërbeshi dhe Bytyçi fjalë falënderuese për institucionet komunale dhe bashkëfshatarët e Sllovisë ka pasur edhe Feti Gerbeshi.

commentFirst article
Sot mund të lexoni Shfletoni kopertinat