Inspektorët ndërprenë ndërtimet pa leje në Malishevë

Kosova

Inspektorët ndërprenë ndërtimet pa leje në Malishevë

Më: 18 mars 2018 Në ora: 12:29
ilustrim

Në kuadër të detyrave dhe përgjegjësive që ka inspektorati komunal i Malishevës, sot ka ndërprerë punimet e një ndërtimi në zonën e qytetit të Malishevës, pasi pronari i këtij ndërtimi nuk ishte i pajisur me leje për ndërtim.

Sipas drejtorit të Drejtorisë së Inspektoratit, Dibran Kastrati, në asnjë rast nuk do të lejohen ndërtimet pa pajisje me leje ndërtimi dhe ju ka bërë thirrje qytetarëve, që të respektojnë ligjet dhe rregulloret në fuqi, për ndërtime të objekteve.

“Edhe pse sot është ditë e diel, ne si inspektorat nuk do të ndalemi së inspektuari të gjitha fushat që i kemi përgjegjësi. Punimet në këtë vend, pronari i ka filluar dhe po i zhvillonte pa leje, edhe pse paraprakisht  inspektorët e kanë paralajmëruar që të mos ndërtonte pa leje”, ka sqaruar Kastrati, duke e arsyetuar ndërprerjen e punimeve në këtë rast.

Ndërtimet pa leje, pronarët kryesisht i zhvillojnë ditëve të vikendit, duke u munduar që të jenë larg syve të inspektorëve.

Megjithatë, drejtori Kastrati, ka bërë apel te qytetarët që të mos bëjnë investime në ndërtimet e tyre, pa u pajisur me leje ndërtimi, pasi kjo është e kundërligjshme dhe më së shumti dëmtohen vet pronarët e ndërtimeve.

commentFirst article
Sot mund të lexoni Shfletoni kopertinat