RTK sqaron përse ndërpreu transmetimin e koncertit të Rita Orës

Kosova

RTK sqaron përse ndërpreu transmetimin e koncertit të Rita Orës

Më: 17 shkurt 2018 Në ora: 22:56
Rita Ora gjatë performancës

Radio Televizioni i Kosovës ka ndërprerë transmetimin direkt të koncertit të Rita Orës pa kurrfarë sqarimi. Por, një sqarim pse ka ndodhur kjo e ka dhënë redaktori përgjegjës, Lorik Arifaj. Ai në një postim në Facebook ka treguar se RTK ka pasur të drejtë t’i transmetojë vetëm dy këngë të Rita Orës. Mirëpo, KTV ka transmetuar thuajse të gjithë koncertin.

Ky është njoftimi i plotë i tij në Facebook:

Te nderuar po e shoh se perkunder paralajmerimeve ne RTK se kemi siguruar te drejten vetem te dy kengeve te Rita Ores, njerez te pa informuar dhe qellimkeqinj po mundohen me shpifje ta njollosin RTK-ne. Rita Ora ka kontrate ne Kompanine WARNER.

Si e tille nuk ka te drejte qe te kendoje dhe kenget e saj te transmetohen ku te do sepse ka marreveshje per te drejtat e autorit. Para se te merreni me shpifje lexoni ligjin per te drejtat e autorit e poashti edhe lexoni per gjobat qe mund te pasojne ne rast se shkelet marreveshja.

RTK bashke me Kompanine AMC ka arritur marreveshje me shkrim me WARNER per keto 2 kenge te cilat WARNER nuk ka lejuar te transmetohen as ne satelit, as ne Youtube e as ne rrjetet sociale por vetem ne territorin e Kosoves (Free To Air).

P.S. RTK dhe AMC posedojne kontrate me shkrim per transmetimin e sontem andaj cdo transmetim tjeter televiziv eshte bere ilegalisht andaj ata qe e bene i dijne pasojat dhe dote ballafaqohen me to.

commentFirst article
Sot mund të lexoni Shfletoni kopertinat