Komuna e Junikut sot nënshkroi marrëveshjen e memorandumit e cilësuar si marrëveshja historike sepse ka për qëllim fillimin e asfaltimit të rrugës Junik –Gjeravicë.
Në ambientet e Komunës së Junikut, për të nënshkruar këtë marrëveshje ishte kabineti i Ministrisë së Infrastrukturës, ku i pranishëm ishte edhe vet ministri Pal Lekaj, Kryetari i Komunës Agron Kuçi me kabinetin e tij, nënshkruan marrëveshjen për financimin e projektit madhor rruga Junik – Gejravicë.
Kjo marrëveshje kap vlerën mbi 800,000.00 euro, projekt ky i ndarë në llote ku lloti i parë do të përfshi asfaltimin e rrugës Junik-Jasiq-Gjocaj që pritet të filloj shumë shpejt pas nënshkrimit të kësaj marrëveshje historike.
Gjithashtu Kryetari i Komunës Agron Kuçi dhe Ministri i Infrastrukturës Pal Lekaj vizituan nga afër dëmet të cilat janë shkaktuar nga vërshimet e fundit në komunën tonë.
Kryetari Kuçi prezantojë para ministrit raportin e komisionit për vlerësimin të dëmeve të cilat janë shkaktuar nga vërshimet e fundit. Nga këto vërshime komuna e Junikut ka pësuar mbi 300,000.00 euro dëme. Ministri u zotua se do ti paraqes në qeveri këtë raport dhe se premtoj përkrahje maksimale për financimin e këtyre dëmeve.
