Studentët e Fakultetit të Mjekësisë, dega Farmaci, kanë protestuar të enjten duke bllokuar hyrjen e Dekanatit, në shenjë pakënaqësie për shkak të parregullsive në përzgjedhjen e profesorëve në degën e Farmacisë.
Kërkesa e studentëve ishte që ligjëratat në lëndën kimi analitike I dhe Kimi inorganike me stekiometri të vazhdojnë të ligjërohen nga profesori Azem Lajçi me të cilin janë mbajtur në semestrin e parë.
Studentët thanë se ardhja e një profesori me përzgjedhje të parregullt, është pasqyrim më i mirë i gjendjes në Fakultetin e Mjekësisë.
Sipas tyre, nuk është e drejtë që konkursi për profesor në Fakultetin e Mjekësisë të shpallet nga FSHMN, pasi që ky i fundit nuk ka kompetenca në këtë fakultet.
Ata thanë se do të vazhdojnë bojkotimin e mësimit deri në përmbushjen e kërkesave të tyre.
