Mot me diell dhe vranësira të shpërndara do të mbajë gjatë këtyre pesë ditëve të ardhshme.
Të hënën temperaturat maksimale do të lëvizin nga 11-13 gradë Celsius, kurse duke filluar nga dita e martë grafiku në fushat e temperaturave do të shënojë ngritje.
Të enjten do të ketë shtim të vranësirave dhe ulje të përkohshme në fushat barike. Temperaturat minimale do të regjistrohen në kufijtë 0-4 gradë Celsius, kurse maksimalet e ditës do të lëvizin ndërmjet 16-20 gradë Celsius. Do të fryjë erë kryesisht nga verilindja me shpejtësi deri 8m/s .
