Kryetari i Komunës së Rahovecit, Idriz Vehapi, ka pritur sot në takim ministrin e Financave, Avdullah Hotin dhe ministrin e Punës dhe Mirëqenies Sociale, Arban Abrashi.
Në një njoftim për media thuhet se pas takimit në zyrën e kryetarit, Vehapi dhe ministrat Hoti dhe Abrashi, vizituan punimet në projektin që ka të bëjë me ndërtimin e zyrës për punësim në qytetin e Rahovecit.
Me këtë rast, ministri Abrashi tha se ky objekt do të jetë model shumë reprezentativë, karshi zyrave tjera të punësimit që janë në Kosovë.
Ndërsa, kryetari i Rahovecit, Idriz Vehapi, tha se do të krijohen kushte shumë komode për punë në radhë të parë për personelin dhe do të krijohen lehtësira në shpjegimin e gjithë atyre që merren me çështje të punësimit.
Ai shtoi se në këtë zyra do të organizohen edhe trajnime për të rinjtë, do të orientohen njerëzit të cilët janë punë kërkues, si mund të vijnë deri te një vend i punës në mënyrë më të shpejt dhe më të lehtë.
Emily Cullom, përfaqësuese e GIZ-it Gjerman tha se do të vazhdojnë të përkrahin këtë projekt edhe në infrastrukturë.
Ndërtimi i zyrës për punësim në Komunën e Rahovecit do të bëhet në bashkëfinancim, në mes të Ministrisë së Punës dhe Mirëqenies Sociale dhe donatorëve GIZ-i Gjerman, EYE dhe Helvetas Swiss Intercorporation Kosovo, ku vlera e projektit është 100 mijë e 587 euro.