Punësimet familjare tashmë janë normë në Kosovë. Zyrtarët që kishin pozita kishin shfrytëzuar pushtetin që t’i rehatonin familjarët nëpër institucione të rëndësishme. Pa përjashtuar asnjë parti politike, të gjithë i kanë të punësuar familjarët në institucione shtetërore.
Shefja e stafit në kryeministri, Vlora Dumoshi, nuk ka pritur gjatë që t’i rehaton familjarët. Ajo ka punësuar djalin, Rron Kryeziun në Ministrinë e Punëve të Jashtme, gjegjësisht në ambasadën e Kosovës në SHBA.
Dumoshi po ashtu ka punësuar motrën, Albiona Malokun në bordin e “Ibër Lepencit”.