Shefi i diplomacisë iraniane do të vizitojë Ankaranë një muaj pas puçit të dështuar në Turqi pas të cilit Teherani kishte shprehur menjëherë mbështetjen e tij ndaj presidentit Erdogan, njoftoi sot Ministria turke e Punëve të Jashtme.
“Mohammad Javad Zarif do të takojë në kryeqytetin turk homolgun e tij Mevlut Cavusoglu dhe do të zhvillojnë një konferencë për shtyp të përbashkët, më pas ai do të pritet nga presidenti turk, Recep Tayyip Erdogan”, theksohet në komunikatën e Ministrisë.
Teherani ishte një nga vendet e para që shprehu, pas puçit të dështuar të 15 korrikut, mbështetjen e tij ndaj presidentit turk i cili u shpreh i hidhëruar nga mungesa e solidaritetit nga ana e aleatëve perëndimore me SHBA-në në krye.