Në Komunën e Prizrenit ka filluar punën stacioni policor në Lubizhdë, që do të njihet edhe Stacioni Policor – Veriu.
Në një njoftim për media, thuhet se ky stacion është bërë me qëllimin më të mirë për të krijuar siguri dhe rend, për të krijuar një partneritet me qytetarët e Komunës së Prizrenit, për të qenë më afër tyre dhe për t’u përgjigjur sfidave që dalin.
“Ky stacion është i vendosur në objektin e drejtorisë rajonale dhe është plotësisht i kompletuar edhe me personel edhe me logjistikë për të kryer detyrat dhe për t’u ballafaquar me sfidat të cilat e presin. Iniciativën për themelimin e stacionit të ri e ka marrë Drejtoria Rajonale e Policisë në Prizren dhe është përkrahur pa rezervë nga Drejtoria e Përgjithshme e Policisë”, thuhet në njoftim.
Më tej thuhet se stacioni i ri e ka të definuar qartë territorin që do ta ketë në kompetencë dhe ky territor përbëhet prej 27 fshatrave me rreth 43874 banorë të etnive të ndryshme.