(E plotësuar) - Është përuruar përfundimi i renovimit të objektit të Shoqatës së Pensionistëve të Kosovës, me donacionet e dhëna nga disa kompani dhe organizata të ndryshme private, si dhe me mbështetjen e Ministrisë së Punës dhe Mirëqenies Sociale.
Ministri i kësaj ministrie, Arban Abrashi, tha se me ndihmën e këtyre donatorëve ka ardhë deri te përmirësimi i kushteve të qytetarëve të moshës së tretë në Kosovë.
Abrashi: Po përmirësohet qëndrimi ditor i pensionistëve
“Ka ardhë te një projekt i cili përmirëson kushtet ditore të pensionistëve të Kosovës dhe Prishtinës në këtë rast, ambiente më të mira për qëndrim ditor, ambiente më të mira për kryerjen e aktiviteteve të tyre”, ka thënë ai.
Ndërsa, kryetari i Shoqatës së Pensionistëve, Shaban Kajtazi, tha se është mirë kur moshat e reja dhe donatorët në Kosovë nuk i harrojnë të moshuarit.
Kajtazi: Donatorët nuk i harrojnë të moshuarit
“Subjektet në Kosovë, donatorët e mirë nuk e harrojnë moshën e tretë për investim për t a të cilët tërë mundin, djersën dhe dijen e tyre e investuan në të gjitha të mirat materiale që sot i gëzojnë të rinjtë”, ka deklaruar Kajtazi.
Investimet që kanë kushtuar rreth 20 mijë euro janë bërë me ndihmën e Rotary Club Prishtina, Tre Pharm, Marigona Rezidence, etj.
Ndërsa, Shoqata e Pensionistëve ndau mirënjohje për përfaqësuesit e investimeve në këtë objekt.
Rinovohet objekti i pensionistëve
Nga tash pensionistët do të kenë një ambient më të mirë, pas renovimit të objektit që ka bërë Ministria e Punës dhe Mirëqenies Sociale në bashkëpunim me Rotary Club dhe Tre Pharm.
Këto investime të cilat janë mirëpritur nga pensionistët kapin vlerën prej 20 mijë eurove.
Kryetari i Shoqatës së pensionistëve Shaban Kajtazi, tha se me këto punime pensionistëve iu është përmirësuar jeta.
Lidhja e Pensionistëve me ambient të rinovuar
Ministri i Punës dhe Mirëqenies Sociale, Arban Abrashi, në bashkëpunim me Rotary Club, do të bëjnë sot përurimin e përfundimit të punimeve në ambientet e rinovuara të Lidhjes së Pensionistëve të Kosovës.
Sipas një njoftimi të Ministrisë së Punës dhe Mirëqenies Sociale, ky përurim do të bëhet në orën 12:00.