(E plotësuar) - Doganat e Kosovës gjatë këtyre katër muajve të këtij viti ka inkasuar 22 përqind të hyra më shumë se sa në periudhën e njëjtë të vitit të kaluar, ndërsa janë sekuestruar 1 milionë e 200 mijë mallra të konfiskuara.
Këto të dhëna u bënë publike sot në një konferencë për media e organizuar nga Ministria e Financave dhe Doganat e Kosovës, ku përveç paraqitjes së statistikave për katër muaj u paraqit edhe ecuria e implementimit të marrëveshjes së MSA-së, nga ana e Doganave.
Ministri i Financave Avdullah Hoti tha se rezultatet e arritura gjatë këtyre katër muajve janë shumë më të mira se sa është planifikuar derisa falënderoi stafin e Doganave për punën e bërë .
Hoti: Rezultate më të mira se sa e kemi planifikuar
“Me kënaqësi them se rezultatet gjatë këtyre katër muajve kanë qenë shumë më të mira se sa ne i kemi planifikuar.... Falënderoj gjithë stafin e doganave për përpjekjet që po bën në mbledhjen e të hyrave, në ofrimin e shërbimeve për qytetarët dhe për bizneset. Gjatë këtij viti kemi p asur plot ngjarje të rëndësishme për doganat, zbatimi i MSA-së, politikat e thjeshtësuara për eksport, po ashtu edhe hapjen e një zyre në Parkun e Bizneseve dhe të gjitha aktivitetet tjera të Doganave”, tha Hoti.
Ndërsa, drejtori i Doganave të Kosovës Lulzim Rafuna tha sa të hyrat e realizuara gjatë këtij katër mujori të këtij viti, janë 7.4 përqind mbi projektet e parashikuara me Ligjin për Buxhetin e vitit 2016.
Rafuna: Për katër muaj 22 përqind të hyra më shumë se në periudhën e njëjtë të viti të kaluar
“Për këtë katër mujor ne kemi inkasuar 22 përqind të hyra më shumë se sa në periudhën e njëjtë të viti të kaluar, ndërsa jemi 7.4 përqind mbi projeksionet e katër mujorit të parashikuar në Ligjin e Buxhetit për vitin 2016. Në qoftë se shkojmë në nivel të tatimeve veç e veç, atëherë do ta vërejmë se të gjitha tatimet kanë pasur një ngritje. Kemi tatimin doganor që ka shënuar një ngritje prej 12.8 përqind , tatimi i akcizës ka shënuar rritje 20.8 përqind dhe kemi tatimin mbi vlerën e shtuar që ka shënuar rritje prej 28.6 përqind”, tha Rafuna.
Sa i përket luftimit të informalitetit gjatë këtij viti Doganat e Kosovës kanë ngritur 44 raste të reja, ka bërë 7 kallëzime penale dhe ka realizuar 81 bastisje, derisa janë konfiskuar 1 milionë e 200 mijë mallra.
Doganat e Kosovës gjatë këtij viti kanë trajtuar 10 raste disiplinore ndërsa janë suspenduar 8 zyrtarë doganor.
Në lidhje me implementimin e MSA-së në këtë konferencë u tha se Dogana e Kosovës ka hapur zyrën për MSA-në dhe ndihmë ndaj bizneseve, ku janë pranuar 65 kërkesa të drejtuara me e-mail, janë realizuar 66 takime me kompanitë e interesuara si dhe u tha se deri më tani nuk ka asnjë problem të raportuar në lidhje me implementimin e kësaj marrëveshje.
Dogana për katër muaj ka inkasuar më shumë të hyra se sa vitin e kaluar
Dogana e Kosovës gjatë këtij katër mujori të këtij viti ka inkasuar 22 përqind të hyra më shumë se sa në periudhën e njëjtë të vitit të kaluar.
Ndërsa sa i përket luftimit të informalitetit në këtë katër mujorsh Dogana ka 44 raste të reja.
Këto të dhëna u bënë publike sot në një konferencë për media e organizuar nga Ministria e Financave dhe Doganat e Kosovës, ku përveç paraqitjes së statistikave për këtë katër mujorsh u paraqit edhe rrjedhoja e implementimit të marrëveshjes së MSA-së, nga ana e Doganave.
