I nominuari për kryetar të PDK’së, Kadri Veseli gjatë ditës së sotme ka qëndruar në Podujevë dhe Drenas. Ai në këto dy qytete është takuar me strukturat e parëtisë.
Veseli në një postim në Facebook ka treguar se në takim është diskutuar për përmirësimin e qeverisjes.
'Në takimin që pata me strukturat partiake në Podujevë dhe Drenas, theksova se qeverisja e mirë do të jetë qëllimi ynë kryesor. Qeverisja e mirë, do të arrihet nëpërmjet zbatimit të parimeve themelore të demokracisë, forcimit të sundimit të ligjit, ngritjes së transparencës dhe krijimit të një partneriteti të vazhdueshëm me shoqërinë civile dhe grupet e interesit. Po ashtu përmes ngritjes së standardeve të administratës publike të nivelit qendror dhe lokal duke krijuar një shërbim civil profesional, të ndershëm dhe të mirëmenaxhuar', ka shkruar Veseli.
