Zëdhënësi i Komunës së Prizrenit, Ymer Berisha, ka probleme serioze me gjuhën shqipe. Shkrimet e publikuara në ueb-faqen e Komunës, përmbajnë `miliona` gabime të pafalshme gjuhësore.
Berisha, i cili është edhe këshilltar politik i kryetarit Ramadan Muja, emrat e dëshmorëve i shtien në thonjëza.
Isa Boletini, Sinan Thaçi, Ismail Kryeziu, janë disa nga emrat e dëshmorëve që Berisha i shtie në thonjëza.
Në thonjëza është futur edhe emri i këshilltarit të Kuvendit të Prizrenit, Masar Shala, i cili ka ndërruar jetë në vitin 2014.
Berisha ka probleme edhe me vendosjen e shenjës së pikësimit – pikën. Në çdo titull të lajmeve të publikuar, në fund vendos shenjën e pikësimit, pikë!
Ymer Berisha, në një debat televiziv pati treguar se ka “gëlltitur” një bibliotekë libra.
“Për t’i mësuar shprehjet retorike si unë, duhet m’e hangër një bibliotekë me libra”, pati thënë ai.
Ndërkaq, “gëlltitja” e librave duket se nuk i ka ndihmuar në drejtshkrim. Madje, gjatë leximit të shkrimeve të publikuar në ueb-faqen e Komunës, mund të hasësh edhe në gabime elementare, të cilat nuk lejohen të bëhen as nxënësit e shkollës fillore.
Berisha për tri mandatet të qeverisë `Muja` ka ushtruar detyrën e zyrtarit për informim të Komunës së Prizrenit. Ai po ashtu është këshilltar politik i kryetarit të Prizrenit, Ramadan Muja. /PrizrenPress.com/