Kryetari i Lëvizjes Vetëvendosjes, Visar Ymeri, nëpërmjet llogarisë së tij në Facebook ka thënë se deklaratat e fundit të kryeministrit, Isa Mustafa dhe zëvendësit të tij, Hashim Thaçi, lidhur me veprimet dhe synimet e opozitës, janë shqelmat e fundit të tyre.
Këto deklarata të tyre, Ymeri i ka quajtur kërcënime ndaj qytetarëve protestues.
Postimi i plotë i Ymerit:
Përfaqësuesit e ‘Zajednicës’, Mustafa e Thaçi, paskan filluar prapë t’i kërcënojnë qytetarët protestues. Gjuha e egërsuar e tyre e dëshmon frikën personale që e kanë nga protestat. Këta e kanë kuptuar që koha e tyre në krye të institucioneve ka kaluar, që legjitimiteti politik e demokratik i tyre nuk ka ekzistuar kurrë, që qenia e tyre politike e bazuar vetëm në gënjeshtra, shantazhe e kërcënime më nuk do të pranohet.
Edhe ‘Zajednica’ e edhe mendësia qeverisëse e saj e trupëzuar në Mustafën e Thaçin tashmë kanë vdekur.
Shpifjet e tyre paranojake për vrasje policësh e grushtshtet janë shqelmat e fundit.