Deputetja e Lëvizjes Vetëvendosje ndaj së cilës është lëshuar një fletarrest për veprimet e saj gjatë seancave të Kuvendit të Kosovës, nga arratia ka reaguar në Facebook me një status në Facebook.
Ajo ka shkruar se kësaj bande kriminale po i vije fundi, dhe sipas saj nuk do të vonojë kur kjo klasë politike do të përgjigjet për të gjitha dëmet që ia ka shkaktuar Republikës.
Më poshtë gjeni postimin e plotë të Haxhiutt, vendndodhja e së cilës nuk dihet:
Nuk ka më asnjë fije dyshimi se kësaj bande kriminale po i vie fundi dhe nuk do të vonojë shumë kur kjo klasë e fëlliqur politike do të përgjigjet për gjitha dëmet që ia sjellën Republikës dhe qytetarëve!
Përgjakja e aktivistëve, dhuna brutale, arrestimet e deputetëve dhe aktivistëve, bastisjet e paligjshme, thyerja e selisë, terrorizimi që po ja bëni qytetarëve, do të ju kthehet bumerang!
Këto janë shqelmet e fundit të IsaHashës. Pushteti nuk mbahet me kërbaç, JO!
