Aleanca për Ardhmërinë e Kosovës, uron gjithë shqiptarët për festën e 28 Nëntorit.
“Në njërën prej ditëve më të rëndësishme të kombit shqiptar, të gjithë shqiptarëve kudo që janë, ju urojmë, gëzuar 28 Nëntorin, Ditën e Flamurit, që është festë e shumëfishtë e kombit shqiptar”, thuhet në komunikatën e AAK-së.
Njëherësh AAK-ja njofton se me 28 mbahet protesta me opozitën e bashkuar dhe sipas AAK-së, tubimi do të jetë paqëso me mesazhe politike, gjithashtu iu bënë thirrje qytetarëve që të marrin pjesë.
“AAK së bashku me opozitën e bashkuar, në këtë ditë të madhe, në Sheshin Zahir Pajaziti në Prishtinë, me fillim në orën 14;00, do të mbajë një manifestim protestues në kundërshtim të dy marrëveshjeve për Demarkacionin dhe Bashkësinë e Komunave Serbe e në mbrojtje të shtetit. Tubimi do të jetë paqësor dhe me mesazhe politike, ku qytetarëve do t’iu drejtohen me nga një fjalë liderët e tri partive opozitare.
Ftoheni për një pjesëmarrje sa më masive, në mënyrë që mesazhi të jetë sa më I fuqishëm”, thuhet në njoftimin e këtij subjekti politik.