​Limaj fton pozitën për konsensus, por “Zajednica” nuk kalon

Kosova

​Limaj fton pozitën për konsensus, por “Zajednica” nuk kalon

Më: 8 tetor 2015 Në ora: 12:49

Fatmir Limaj ka hedhur poshtë deklaratat e KMDLNJ-së se ajo çka ndodhi sot në Kuvendin e Kosovës ishte dhunë.

Limaj, thotë se dhunë është ajo çka po i ndodh Kosovës.

“Dhunë është duke ushtruar mbi tokën e Kosovës. Ne jemi rritur me këtë gaz lotsjellës dhe nuk duam që fëmijët tanë të rriten kështu. Me këtë marrëveshje po rrënohet e ardhmja e fëmijëve”, tha Limaj.

Ai, tha se nuk do të tërhiqen dhe të kota janë mendimet e pozitës për një tërheqje të tillë.

Limaj ka ftuar pozitën për konsensus dhe të gjendet një zgjidhje por thotë se “Zajednica” nuk kalon.

“Ai që ka pasur vullnet për konsensus kjo është arritur. Të ulemi të bisedojmë dhe të gjejmë një zgjidhje por ‘Zajednica’ nuk pranohet”, tha Limaj.

Sot mund të lexoni Shfletoni kopertinat