Udhëheqësi i Zyrës së Veteranëve të Luftës së UÇK-së në Zyrën e Kryeministrit, Faik Fazliu ka bërë me dije për ‘Epokën e re’ se deri më tani janë lëshuar 3.800 vërtetime.
Ai ka treguar se në ditët në vazhdim do të fillojë lëshimi i vërtetimeve edhe në degët e OVLUÇK-së në Deçan, Skenderaj, Gjilan dhe Burim.
Fazliu ka thënë se veteranët nuk kanë nevojë të presin në radhë për t’i marrë vërtetimet sepse nuk ka afat të caktuar dhe vërtetimet lëshohen vazhdimisht.