Ende nuk dihet asgjë nëse nesër do të ketë ose jo protestë e cila javën që shkoi ishte paralajmëruar nëpër rrjetet sociale.
Zëdhënësi i Policisë për rajonin e Prishtinës Agron Borovci ka thënë se ata deri më tani nuk kanë marrë ndonjë njoftim për ndonjë protestë. Thirrja për protestë ishte bërë në rrjetin social Facebook ku u bëhej thirrje subjekteve opozitare, shoqërisë civile dhe mediave që të bashkohen në protestën e së shtunës me fillim në orën 14.
Megjithatë dje është larguar nga Facebook-u thirrja e cila ishte bashkangjitur bashkë me një fotografi.
KosovaPress ka kontaktuar disa nga emrat e përmendur në këtë thirrje publike si nga ana e partive opozitare, shoqërisë civile dhe mediave por ata kanë thënë se nuk do të dalin në një protestë të cilës nuk i dihet organizatori.