Pas ndryshimeve kushtetuese për Gjykatën Speciale dhe arritjes së katër marrëveshjeve në Bruksel me Serbinë në kuadër të dialogut për normalizim të raporteve, tani është radha që BE-ja ta shpërblejë Kosovën në rrugën e saj evropiane.
Kështu kanë thënë për ‘Epokën e re’ njohësit e integrimeve evropiane, Vigan Qorrolli dhe Emrush Ujkani.
Ata kanë vlerësuar se këto veprime të Kosovës duhet të ndikojnë pozitivisht në procesin e liberalizmit të vizave dhe nënshkrimin e MSA-së, kurse kanë shtuar se do të ishte e padrejtë që në këtë proces të shpërblehet vetëm Serbia.