Anëtari i LDK-së Eqrem Kryeziu në rrjetin social Facebook ka shkruar për marrëveshjen e arritur në Bruksel midis Kosovës dhe Serbisë që lejon themelimin e Asociacionit të Komunave Serbe.
Kryeziu ka shkruar se askund në teksin e marrëveshjes nuk figuron Repubika e Kosoves, ndërsa Republika e Serbisë po.
Më poshtë gjeni postimin e plotë të Eqrem Kryeziut:
Dhe tani dëgjoni me kujdes:
Burrat e Kosovës në Brussels pajtohen me një tekst për AKS, në të cilin askund, askund dhe askund nuk përmendet Republika e Kosovës.* Mirëpo Republika e Serbisë, po. /"...d) kontributet, grantet, donacionet si dhe mbështetja financiare nga asociacionet dhe organizatat tjera, vendore e ndërkombëtare, si dhe nga Republika e Serbisë;/
Në qoftë se dikush bëhet aq naiv e të ngushëllohet se aty përmendet Kosova, madje edhe institucionet e saj, mësojeni se emërtimi gjeografik si "Kosovë", pa u çanësuar me status, do të thotë trevë ("oblast" e quanin në kohën e Ali Shukrisë).
Sipas atij dokumenti, treva e Kosovës, paska ca institucione vetadministrimi, por status republike, në asnjë mënyrë! Ka vetëm një republikë në atë dokument: Republika e Serbisë.
O, sa keq!
O, sa turp!
* Gjithnjë sipas tekstit, dhënë nga portalet.
