Kryetari i Pejës Gazmend Muhaxheri si duket është shumë i dhënë pas karriges së kryetarit. Edhe më herët por, edhe sot ka ripërsëritur se do të jetë kryetar deri më vitin 2054.
Këtë e përsëriti edhe sot gjatë emisionit “Dukagjini Sot” në Tv Dukagjin, për të cilën tha se kjo përgjigje është vetëm për opozitën e komunës së Pejës.
Gjatë bisedës së tij Muhaxheri ka folur edhe për planin e tij për Teleferikun në Pejë.
Duke ju kundërpërgjigjur opozitës Muhaxheri tha se do ta lëvizin nga karrigeja atëherë kur plani i tij për Teleferikun të përfundoj.
“Ta shohim, nëse teleferikun e bëjmë në këtë mandat, atëherë ndoshta mund të mos kandidohem më”, ka thënë Muhaxheri.
Duke rikapituluar punët që sipas tij janë bërë për Pejën, Muhaxheri e ka cilësuar ekzekutivin e tij si qeveri lokale e kursimeve dhe qeveri e cila ka kryer projekte në dobi të qytetarëve.
“Ne kemi dhënë shembull se si duhet kursyer mjetet edhe duke punuar edhe duke qenë të ngushtuar nga pagesat e disa proceseve gjyqësore”, ka thënë Muhaxheri.
< p>Për koalicionin lokal LDK –PDK, Muhaxheri është shprehur se formula ka derivuar për një koalicion të tillë meqë me AAK-në ishin në balotazh dhe partner është gjetur PDK-ja.