Limaj: Listat me emra, sport i këndshëm për disa

Kosova

Limaj: Listat me emra, sport i këndshëm për disa

Më: 4 gusht 2015 Në ora: 15:28

Me të kaluar Gjykata Speciale në Kuvendin e Kosovës, në opinion filluan të dalin emrat e të akuzuarve të mundshëm.

Në mesin e tyre është edhe emri i Fatmir Limajt, ish-anëtar i Shtabit të Përgjithshëm të UÇK-së.
Limaj në një intervistë për Radio Dukagjinin publikimin e listave të tilla e quajti sport të këndshëm për ata që merren me këtë çështje.

“Ky është tashti një sport shumë i këndshëm për njerëzit që dëshirojnë të merren me këtë punë dhe këtu nuk kam asnjë koment, as që më interesojnë fare këto komente që bëhen”.

Ai thotë se i intereson fakti që ata që kanë votuar tërë jetën do të ndihen të turpëruar, ndërsa ata që kanë pritje në këtë drejtim do të ndihen të zhgënjyer nga ajo që ndodhi dje.

Në fund të fundit, tha Limaj, Kosova ka treguar dje se është larg të jetë shtet, vend që kultivon vlerat e veta.

Sot mund të lexoni Shfletoni kopertinat