Deputeti i Partisë Demokratike të Kosovës Raif Qela, po bëhet i pesti nga radhët e kësaj partie që do të votojnë kundër ndryshimeve të amendamenteve kushtetuese që i japin rrugë themelimit të Gjykatës Speciale.
Për KosovaPress, se do votojë kundër e tha edhe vetë deputeti Qela.
I njëjti deputet ka votuar kundër edhe në procedimin e parë me 26 qershor.
Qela iu ka bashkuar deputetëve të tjerë Nait Hasanit, Ganimete Musliut, Flora Brovinës dhe Fadil Demakut të cilët deri më tani nuk kanë ndryshuar mendimin.
