Dita e parë e garës më të madhe jo vetëm në Kosovë, por edhe në rajon,
në automobilizëm, drag race i ka arsyetuar në tërësi pritjet e mëdha. 75
garues nga vende të ndryshme kanë ofruar spektakël të vërtetë për
shikuesit e pranishëm, numri i të cilëve ishte mjaft i madh.
Gjithsesi që festa e vërtetë do të ndodhë gjatë ditës së diel, kur në
program është gara zyrtare, pasi të shtunën garuesit patën ngasje të lira
për t’i testuar veturat e tyre e njëkohësisht për t’u njoftuar me shtegun.
Eshtë më se e sigurt që numri i garuesve të dielën do të jetë dukshëm më
i madh, ndërsa që nga mëngjesi do të fillojë klasifikimi i veturave sipas
kategorive. Këtë proces, ashtu sikur edhe matjen e kohës do ta bëjë një
ekip i licencuar nga Kroacia, me të cilët Federata e Autosportit e
Kosovës është duke bashkëpunuar mjaft mirë.
Eshtë vështirë të parashikohet se kush do të jetë fitues i kohës më të
mirë, por është lehtë të parashikohet se rivaliteti do të jetë tepër i madh.
Esad Dosljak me Opel Corsa dhe Skender Potera me Audi RS 6 ishin
garuesit më të shpejtë në dy ngasjet e fundit, të cilat edhe u llogaritën si
zyrtare për ditën e shtunë.
