Ministri i Diasporës Valon Murati në Info Magazine e ka rikonfirmuar qëndrimin e partisë së tij “Lëvizja për Bashkim” rreth krijimit të Gjykatës Speciale.
“Qëndrimi i Lëvizjes për Bashkim është kundër Gjykatës Speciale. Konsiderojmë që nuk ka një transparencë të plotë se cili do të jetë misioni i kësaj Gjykate dhe vota jonë në kuvend do t’i thotë jo themelimit të saj” tha Murati.
Ndryshe, deputeti i vetëm në Kuvendin e Kosovës nga radhët e kësaj partie është Raif Qela, i cili edhe në seancën e shkuar të parlamentit kur u hodh në votim Specialja votoi kundër saj.