Deputetët e Kuvendit të Kosovës po diskutojnë për Projektligjin për Letërnjoftime.
Deputeti i Partisë Demokratike të Kosovës, Nahit Hasani ka kërkuar që në letërnjoftim të futet edhe etnia ndërsa ky propozim është kundërshtuar nga Komisioni për Legjislacion.
Ndërsa deputeti i Lëvizjes Vetëvendosje, Ilir Deda ka thënë se nëse ky ligj hyn në fuqi atëherë sigurisht do të shkojë në Gjykatë Kushtetuese.
Propozimi i Hasanit është lënë që të votohet për seancën e ardhshme pasi që në sallë nuk kanë qenë shumica e deputetëve.