Konferenca e Investitorëve e cila u mbajt sot në Gjakovë ka mbledhur shumë të interesuar për të investuar në këtë komunë
Në hapje të kësaj konference kryetarja e komunës Mimoza Kusari - Lila tha se objektivat e konferencës janë krijimi i një platformë prezantuese për qytetin e Gjakovës dhe regjionin e saj, prezantimi i mundësive për investime në zonat kryesore aktuale, prezantimi i zonave atraktive të qytetit të Gjakovës si një qytet për të punuar, jetuar dhe për të bërë biznes.
Sipas saj, janë mbi 250 pjesëmarrës që kanë ardhur në Gjakovë që të dëgjojnë më shumë për mundësitë e investimeve në komunën e Gjakovës.
Kusari-Lila tha se do të bëhen prezantime konkrete të projektit të ndriçimit publik, të transportit urban, të parkingjeve dhe të gjitha këto të cilat komuna e Gjakovës do t’i ketë shumë shpejt si shpallje të hapura për investime private gjegjësisht për një partneritet me kompani private.
Kryetarja e Gjakovës tha se kjo komunë është përfituese e një projekti tà « madhor kapital prej 13.6 milionë euro për trajtimin e ujërave të zeza, projekt ky i cili do të fillojë në vjeshtën e këtij viti.
Kusari Lila ndër të tjera tha se një pike tjetër me rëndësi është fakti se gjenden në kufi me Shqipërinë dhe sipas saj është një projekt që ka vulën e dy qeverive asaj të Kosovës dhe asaj të Shqipërisë për zhvillimin e zonës ndërkufitare.
Kusari- Lila tha se është e njoftuar edhe Qeveria e Kosovës për projektet e tyre, edhe pse anëtarë të Qeverisë nuk ishin të pranishëm në këtë konferencë të donatorëve.
Kusari Lila: Komuna ka themeluar Zyrë për Promovimin e Investimeve
“Qeveria e Kosovës shumë shpejt do të merr tri vendime të cilat do të ndërlidhen drejtpërdrejt me zhvillimin edhe të Gjakovës. Vendimi për plotësimin e bordit të Agjencisë Kosovare të Privatizimit ,vendimin për pakon fiskale, për zonën e l irë ekonomike si dhe vendimi për plotësimin e bordeve të ndërmarrjeve në këtë rast për bordin e Aeroportit të Gjakovës. Nga viti i kaluar komuna e Gjakovës ka hequr taksën të regjistrosh biznes dhe të operosh në komunë e Gjakovës është pa pagesë. Komuna e Gjakovës është komunë e vetme në Kosovë që ka hapur Zyrë për Promovimin e Investimeve”, tha Kusari Lila.
Ajo pret se do të ketë interesim nga investitorët potencialë për sektorin publik sic janë parkingjet trafiku urban etj.
Kusari Lila: Ofertë e bollshme
“Unë pres që ne nga konkurset që do t’i kemi tash të kemi një listë kualitative të bizneseve të cilat aplikojnë në sektorët për publik si parkingjet, për trafikun urban, gjithashtu pres nga gjitha potencialet e hapësirave të privatizuara industrial… Gjermania kas shprehur interesim për energji me erë ,qoftë në turizëm dhe gjithashtu ed he në bujqësi. Hapim drejtpërdrejt projekte konkrete për investime për ato kompani që kanë kapital dhe të vijnë këtu të investojnë”, tha Kusari- Lila.
E në sesionin e pare të hapjes së kësaj konference foli Safet Gërxhaliu i cili përgëzoi komunën e Gjakovës për organizimin.
Përndryshe kjo konferencë që në hapje zgjoi interesim të madh te investitorët vendor dhe të huaj por në veçanti te bashkatdhetarët që jetojnë dhe punojnë në vendet e perëndimit ose në Amerikë.
Ndërkaq,Butrint Batalli, nga industria e Gypave të Plastikës “Inova”, tha se është një ftesë e sinqertë nga ana e komunës për investitorët potencialë sidomos atyre nga diaspora për të investuar së bashku
Batalli: Ofertë e sinqertë
“Me iniciativën e komunës së Gjakovës pikërisht kjo konferencë e investitorëve përkon edhe me kohën kur diaspora kosovare gjendet pà «r pushime në Kosovë. Pa marr parasysh ndikimin e drejtpërdrejt afat shkurtë që do të ketë investime potenciale konferenca, ka një rëndësi jetike për krijimin e klimës së re dhe të favorshme për bërë biznes. Është një ftesë e sinqertë nga ana e komunës për investitorët potencial sidomos atyre nga diaspora për të investuar së bashku”, tha Batalli.
Ai tha se zhvillimi i qëndrueshëm ekonomik vjen nga bashkëpunimi publiko privat.
Edhe Lulzim Syla, anëtar Unionit të bizneseve nga diaspora,tha se është një tregues shumë I mire se bizneset e diasporës kundër asaj që me vite të tëra kanë pasur dështime ose ka pasur problem rreth investimeve të tyre në Kosovë prapë se prapë ekziston një gatishmëri e tyre për investime në Kosovë. Sipas tij, në Gjermani janë mbi 10 mijë biznese shqiptare,36 mijë biznese në Itali, 50 mijë biznese në SHBA dhe 5 mijë në Zvicër.
Të gjitha bizneset shqiptare në tërë botën janë 100 mijë.
Ndryshe, në fund të muajt gusht asambleja komunale do të shpall listën me interes të veçantë për të gjitha ato projekte të cilat do të kenë interesim nga kjo konference e investitorëve.
