Qeveria e Kosovës është duke u munduar që të procedojë amendamentin për ndryshimet kushtetuese që do t’i hap rrugë themelimit të Gjykatës Speciale.
Por, se kur do ndodhë një gjë e tillë nuk dihet. Zëdhënësi i Qeverisë Arban Abrashi, tregoi për KosovaPress se Qeveria është duke bërë përpjekje për votat, por pa dhënë ndonjë detaj më shumë.
Ai, mohoi që Kryeministri i Kosovës Isa Mustafa të ketë mbledhur kabinetin qeveritar për këtë punë, por tha se një gjë e tillë duhet të bëhet.
“Aktualisht po punohet në mënyrë që në momentin kur të sigurohen votat kjo çështje të përfundohet në Kuvend”, tha Abrashi për KosovaPress.
E se është e rëndësishme që kjo gjë të bëhet sa më shpejt, e tha edhe Abrashi, duke shtuar se me votimin e Speciales Kosova përmbush një prej detyrimeve të saj ndaj partnerëve ndërkombëtar.
“Ky do të jetë një hap i rëndësishëm për Kosovën, pasi që duke kryer këtë proces, ne përmbushim një prej detyrimeve tona në raport me partnerët ndërkombëtar dhe do të jetë t regues i përkushtimit tonë të brendshëm për ecjen përpara dhe zbardhjen e drejtësisë”, tha Abrashi.