OJQ-të rajonale dhe gazetarët alarmohen për situatën e vështirë me të cilën përballen vendet e Ballkanit Perëndimor në përpjekje kundër korrupsionit dhe përdorimit të qymyrit të ndotur.
Vendet e Ballkanit Perëndimor përballen me sfida të jashtëzakonshme në rrugën e tyre drejt Bashkimit Evropian. Në një bashkëpunim ndërmjet Byrosë Evropiane të Mjedisit (EEB), Balkan Green Fondation (BGF), Ulrike Lunacek, Zëvendës Presidente e Parlamentit Evropian, Green / EFA Austri, ekspertët rajonalë të energjisë dhe gazetarët u pajtuan me gjetjet e raportit të Parlamentit Evropian mbi vështirësitë dhe mundësitë e vendeve të tyre në sektorin e energjisë.
Ulrike Lunacek, Zëvendëse Presidente e Parlamentit Evropian, të Gjelbërve / EFA, Austrisë, nikoqirja e ketij takimi theksoi se "modernizimi i sistemit të energjisë në Ballkanin Perëndimor është një realitet i pashmangshëm. Vetëm nëse ne zgjedhin me mençuri, do të arrijnë t'u japim qytetarëve një jetë më të mirë, shëndet të mirë dhe një mjedis të pastër. Eficensa dhe burimet e ripërtëritshme janë duke udhëhequr rrugën drejt një të ardhme të energjisë të pastërt. Energjia bërthamor nuk është një opsion. "
Raportet treguan, se rajoni është shumë i varur në prodhimin e energjisë elektrike prej qymyrit dhe se korrupsioni dhe keqadministrimi janë të vetmit tregues të politikës dhe sektorit të industrisë. Mbështetja e vazhdueshme në qymyr të ndotur është duke shkaktuar rritje të kostove shëndetësore si dhe degradim serioz mjedisor në të gjithë rajonin.
Visar Azemi, Drejtor Ekzekutiv i Balkan Green Foundation, ka thënë se "politikat e sektorit të energjisë në vendet e Ballkanit Perëndimor janë keq orientuar. Rajoni duhet të fokusohet në zhvillimin e ekonomisë së gjelbër, ku energjia të përcaktohet si sektori prioritar. Nevojitet një vizion i ri zhvillimi ekonomik, i cili përkujdeset për natyrën, të ruajë biodiversitetin e poashtu të zvogëlojë emetimet e gazit.
Mungesa e vizionit të qeverive rajonale po rrezikon të ardhmen e këtyre vendeve drejt integrimit në BE.
Humbjet e mëdha të energjisë elektrike, mungesa e transparencës dhe korrupsioni i përhapur paraqesin një tw keqe të përbashkët për të gjithë rajonin. Këmbëngulja e përhapur e praktikave korruptive dhe mungesa e planifikimit të politikave transparente të energjisë po shkakton ngecje në zhvillimin dhe paraqitjen e alternativave të qëndrueshme. Pika e takimit të praktikave korruptive dhe përdorimi i karburanteve ndotëse është mjedisi në të cilin jetojnë qytetarët dhe paguajnë faturat.
Vendet e Ballkanit Perëndimor duhet ta ndalojnë këtë rreth vicioz që kushton miliona për ekonomitë e tyre dhe te njerëzve dhe njëherazi po shkatërron të ardhmen e tyre.
Pieter de POUS, Drejtor i Politikave të EEB, kujtoi:
Një e ardhme e qëndrueshme e energjisë, që respekton mjedisin ka nevojë për institucione transparente dhe të përgjegjshme. Vendet e Ballkanit Perëndimor kanë një mundësi dhe përgjegjësi për të vënë investimet e tyre në burime tw ripërtërishme, të qëndrueshme dhe në marrje masash për eficensë të energjisë. Sot BE-ja e sheh një ndryshim në paradigm në të cilën eficenca e energjisë është prioritizuar dhe kjo është një praktikë e rëndësishme për tu ndjekur për Ballkanin Perëndimor. "
Diskutimi u mbyll me thirrjen e përbashkët që vendet e Ballkanit Perëndimor janë më shumë se fqinj të Bashkimin Evropian, ato janë pjesë e të ardhmes evropiane. Prandaj, bashkimi i forcave dhe identifikimi i problemeve të përbashkëta në sektorin e energjisë, mund të sjellin rezultate te qëndrueshme në sektorin energjetik në rajon.
