Kryetari i Lëvizjes VETËVENDOSJE!, Visar Ymeri, ka reaguar përmes Facebook-ut ndaj deklaratës së kryeministrit Mustafa, në lidhje me Asociacionin e komunave me shumicë serbe.
Sipas Ymerit, kryeministri Isa Mustafa përmes farsës së transparencës po dëshiron të na përgatisë për kompromisin e radhës rreth asaj që Ymeri e ka quajtur “Zajednicën”.
Ymeri ka thënë se Mustafa dikur thoshte se me të ardhur në pushtet do të ndërrohet qasja në bisedime, kurse sot 6 muaj pas krijimi të Qeverisë, jemi dëshmitarë se e gjithë energjia Kosovës po i shkon në negociata me Serbinë e në Gjykatën Speciale të imponuar po nga Serbia.
“S’duhet harruar se kompromisi mbi Zajednicën është bërë me t’u pranuar Marrëveshja e 19 Prillit, e diskutimet mbi formën e Asociacionit janë vazhdim i tij. Më këtë qasje, Isa Mustafa do të mbahet mend si ndjekësi më besnik i politikave të PDK-së drejt krijimit të entitetit autonom serb brenda Kosovës. Por ai duhet ta ketë të qartë që ndarja e Kosovës përmes Zajednicës është e papranueshme", ka shkruar Ymeri.
