Jahjaga takon Yazgerdin: Kosova do ta themeloj Gjykatën

Kosova

Jahjaga takon Yazgerdin: Kosova do ta themeloj Gjykatën

Më: 2 korrik 2015 Në ora: 15:12

Presidentja e Republikës së Kosovës, zonja Atifete Jahjaga, prit në takim Drejtorin e Departamentit amerikan të Shtetit të Zyrës për Çështje të Evropës Jugore dhe Qendrore, zotëri Thomas Yazdgerdi,

Presidentja e Republikës së Kosovës, Atifete Jahjaga, prit në takim Drejtorin e Departamentit amerikan të Shtetit të Zyrës për Çështje të Evropës Jugore dhe Qendrore, Thomas Yazdgerdi, me të cilin diskutoi për zhvillimet aktuale në Kosovë, për përmbushjen e obligimeve ndërkombëtare të Republikës së Kosovës, bashkëpunimin rajonal dhe perspektivën evropiane dhe euroatlantike të Kosovës.

Jahjaga falënderoi Yazdgerdi për përkrahjen e vazhdueshme të Shteteve të Bashkuara për Kosovën dhe realizimin e aspiratave euroatlantike për popullin e Kosovës.

Presidentja Jahjaga theksoi se “Kosova mbetet e paluhatur në orientimin e saj që të jetë një partnere e fuqishme e Shteteve të Bashkuara dhe krenare me partneritetin dhe të arriturat e përbashkëta të deritanishme të kësaj miqësie”.

Sa i përket themelimit të Gjykatës Speciale, Jahjaga tha se “pret nga institucionet e vendit që të gjejnë mënyrën e përmbushjes së obligimeve ndërkombëtare, në respektim të vendimit të Kuvendit dhe të marrëveshjeve ndërkombëtare”.

Ajo gjithashtu vlerësoi se “dialogu për normalizimin e marrëdhënieve ndërmjet Republikës së Kosovës dhe Republikës së Serbisë është me rëndësi për zgjidhjen e çështjeve ndërmjet dy vendeve, por theksoi se rëndësi të veçantë ka zbatimi i marrëveshjeve të arritura deri më tani”.

Sot mund të lexoni Shfletoni kopertinat