Analistët politik kanë vlerësuar se propozimi i opozitës që të themelohet një gjykatë vendore për krime lufte është i vonuar.
Belul Beqaj ka thënë se këta opozitarë në periudha të ndryshme, në përjashtim të Vetëvendosjes kanë qenë pjesë e pushteteve afër 16 vjet.
“Asnjëri prej tyre, përfshirë edhe Vetëvendosjen sot, nuk kanë kërkuar të themelohet një hallkë e drejtësisë, e cila do të merrej parimet me krimet e supozuara të luftës”, ka thënë Beqaj.
Edhe Imer Mushkolaj ka thënë se propozimi i opozitës është i vonshëm për arsye se krijimi i një gjykate të tillë, sipas opozitës, vjen 16 vjet pas luftës dhe shtatë vjet pas shpalljes së pavarësisë.