OVL e UÇK-së paralajmëron protestë gjithëpopullore

Kosova

OVL e UÇK-së paralajmëron protestë gjithëpopullore

Më: 28 maj 2015 Në ora: 15:05

Organizatat e dala nga Lufta e UÇK-së organizojnë protestë gjithëpopullore, kundër miratimit të gjykatës speciale nga ana e deputetëve të Kuvendit të Kosovës, e cila do të mbahet nesër me datë 29.05.2015 në orën 10,oo para Teatrit Kombëtar në Prishtinë.

"Nisur nga fakti se krimet dhe gjenocidi që ka shkaktuar Serbia ndaj popullit shqiptar të Kosovës, asnjëherë nuk janë ndjekur e gjykuar nga gjykatat vendore e ndërkombëtare;

Duke pasur parasysh se drejtësia ndërkombëtare në Kosovë, përmes UNMIK-ut dhe EULEX-it, vazhdimisht bëri akuza të njëpasnjëshme politike ndaj luftëtarëve të Ushtrisë Çlirimtare të Kosovës;

Për shkak se, edhe në vendimin që u shqiptua dje kundër Komandantëve dhe bashkëluftëtarëve tonë, të cilët bënë luftë kundër pushtuesit e për t’ia sjellë popullit lirinë, shihet qartë tendenca për degradimin e luftës sonë çlirimtare;

Me këtë rast ftojmë qytetarët pa dallim, që t’i bashkangjiten masovikisht kësaj proteste, sepse nuk do të lejojmë nëpërkëmbjen e vlerave të Luftës së UÇK-së, e cila vlerë ka përmasë të kombëtare", thuhet në njoftimin e OVL të UÇK-së.

Sot mund të lexoni Shfletoni kopertinat